P I Y E I K I
Haduh piye iki
Putuku nembe siji
Lanang
Umure 14 wulan
Jenenge
Sik…
Putuku wis iso mlaku
Iso mangan dewe
Bakmi ningo senengane
Iso ngomong mbe lukisanku
Mbuh opo
Bahasane Tarzan
Putuku iso sak kata: E-ek
Njaluk susu
E-ek
Njaluk mangan
E-ek
Nek ngising yo kondo e-ek
Piye putuku iso dadi penyair
Opo ono sastra e-ek..?
ISO OMONG MBE LUKISAN
Iyo
Putuku iso omong
Mbe lukisan-lukisanku
Ngguya-ngguyu
Kadang nganti kemekelen
Bahasane bahasa Tarzan
Terutama mbe lukisan siji
Lukisan sing ta gawe ngawur
Pokoke nggaris, mbalur
Nyorat-nyoret
Mergo miturutku
Bahasa lukisan kuwi garis
Dudu garis line
Tapi koyo garis wajah
Garis hidup
Garis seko jiwo
Koyo kandane Soedjojono
Estetika kuwi jiwo katon
Kuwi ya-e mergane putuku iso
Omong mbe jiwo lukisanku.
KOKEHEN OMONG
Kadang ono lukisanku
Sing kokehen tema
Wis ono dakon
Ono sosok biduan
Ono tangan
Ono superman
Ono ponokawan harang
Jare pelukis Tegal
Wowok Legowo
Lukisan kuwi kebak simbol
Dadi bingung ndeloke
Ora fokus
Semono ugo
Jare Gus Lukni Maulana
De-e luwih seneng
Lukisan sing sa tema
Dadi langsung menikmati
Yo wes simbole ta kurangi
Tetep wae putuku rak seneng
Kondone tetep: e-ek, e-ek
(Ya-e meh kondo: crewet..!)
Semarang 11 September 2021
